حبيت اسلم عليك وآخذ اخبـــــــــارك
واعلمك اني باقي حافظ اســـــــرارك
لا قلت بكره بتمطر شاحت امطـــارك
غيري سكن جنتك واسكنتني نــــارك
ويش اسوي بقلبٍ ساكنــــــــن دارك
خيرتني نفسي مابين الناس واختارك
واذكرك بالغرام اللي تناسيتــــــــــــه
حفرت لـــه داخــل عيوني وخبـيتـــه
ذاب غصن المحبه وانت ما رويتــــه
حتى اللي مايستوي وياك سويتــــــه
جاك بيتك وعاف قلوب في بيتــــــــه
لا قلت يا قلبي ابعــد قـــال حبيتــــــه
الفراق الصعب واسوار المدينه
والعنيد الخل والخل العنيد
والشعيب اللي عطش منه بطينه
والسراب اللي سقى ذاك البعيد
والقهر لاشق صدره للغبينه
والغبينه تشتكي ضحك السعيد
والنفس لاضاق والدمعه سجينه
والخواطر جاوبت مامن جديد
والقمر لاطل من فوق السفينه
والسفينه تحت من شوقه يزيد
ابحرت والخبز من بعد العجينه
والفرح كف الحزن بعده اكيد
والقيود اللي تومي به يدينه
جفلت قلب الشجاع اللي حديد
كل هذا صار باسباب الحزينه
والحزينه سببت نظم القصيد
يايسار القلب مدري يايمينه
الوكاد انك فقيده يالفقيد
كل روضن في تهاتيهك تجينه
يمحل الروض الخضر لجلك يبيد
وكل بيرن للظما لوتاردينه
جفت ابيار الروى ماتستفيد
وكل جالن لابغيتي ترقبينه
طارت طيوره لاجل عين الشهيد
مابقا لك فوق ارض الله مدينه
يالعنيد الخل يالخل العنيد